Навучэнцы каледжа наведалі паказ ваенна-патрыятычнага праекта «Лінія памяці. Код вайны» ў спартыўна-культурным цэнтры Беларускага дзяржаўнага ўніверсітэта культуры і мастацтваў. Праект рэалізаваны за кошт гранта Прэзідэнта Рэспублікі Беларусь у навуцы, адукацыі, ахове здароўя і культуры.

«Лінія памяці. Код вайны» - праект, які сумясціў у сабе танец, музыку, вершы і акцёрскае мастацтва. У канцэрце-спектаклі задзейнічаны выкладчыкі і студэнты кафедры харэаграфіі БДУКіМ, а таксама аматарскія дзіцячыя калектывы - лаўрэаты шматлікіх харэаграфічных конкурсаў. Усяго ў ім удзельнічаюць больш за 75 чалавек.