Пытанне: Ці ўсім першакурснікам даецца інтэрнат?
Адказ: Інтэрнат прадастаўляецца ўсім першакурснікам.
Пытанне: Ці ажыццяўляе ў каледжы прыём на ўмовах мэтавай падрыхтоўкі?
Адказ: Так ажыццяўляецца. Колькасць месцаў для атрымання адукацыі на ўмовах мэтавай падрыхтоўкі штогод зацвярджаецца галоўным упраўленнем па адукацыі Мінскага абласнога выканаўчага камітэта і публікуецца не пазней за 1 мая. Інфармацыя будзе размешчана на сайце каледжа.
Пытанне: Ці можна паступіць у каледж пасля 11 класа? Ці строга пасля 9?
Адказ:У каледж могуць паступаць выпускнікі школ, якія скончылі 9 або 11 класаў. На ўзроўні агульнай базавай адукацыі (9 класаў) прыём ажыццяўляецца па спецыяльнасцях: "Бухгалтарскі ўлік, аналіз і кантроль", "Арганізацыя гасцінічных паслуг", "Дакументацыйнае забеспячэнне кіравання" ("Дакументазнаўства і дакументацыйнае забеспячэнне кіравання"), спецыяльнасці "Распрацоўка і суправаджэнне праграмнага забеспячэння інфармацыйных сістэм» («Праграмнае забеспячэнне інфармацыйных тэхналогій»). На ўзроўні агульнай сярэдняй адукацыі (11 класаў) прыём будзе ажыццяўляцца па спецыяльнасці "Бухгалтарскі ўлік, аналіз і кантроль".
Пытанне: Якія ўступныя іспыты пры паступленні ў каледж?
Адказ:Прыём у каледж будзе ажыццяўляцца па сярэднім бале дакумента аб адукацыі: на ўзроўні агульнай базавай адукацыі - па сярэднім бале пасведчання аб агульнай базавай адукацыі (9 клас); на ўзроўні агульнай сярэдняй адукацыі - па сярэднім бале атэстата (11 клас).
Пытанне: Які перыяд навучання па дзённай форме атрымання адукацыі па спецыяльнасцях?
Адказ: На аснове агульнай базавай адукацыі па спецыяльнасцях «Бухгалтарскі ўлік, аналіз і кантроль», «Арганізацыя гасцінічных паслуг», «Дакументацыйнае забеспячэнне кіравання» («Дакументазнаўства і дакументацыйнае забеспячэнне кіравання») тэрмін навучання 2 гады 10 месяцаў. Па спецыяльнасці "Распрацоўка і суправаджэнне праграмнага забеспячэння інфармацыйных сістэм" ("Праграмнае забеспячэнне інфармацыйных тэхналогій" - 3 гады 10 месяцаў. На аснове агульнай сярэдняй адукацыі тэрмін навучання па спецыяльнасці "Бухгалтарскі ўлік, аналіз і кантроль" 1 год 10 месяцаў.
Пытанне: За колькі трэба праходзіць медкамісію для паступлення?
Адказ: Медыцынская даведка сапраўдная на працягу дванаццаці месяцаў з моманту выдачы.
Пытанне: Што павінна быць указана ў медыцынскай даведцы для паступлення і колькі яна дзейнічае?
Адказ:Пры падачы дакументаў у прыёмную камісію абітурыент павінен падаць медыцынскую даведку аб стане здароўя па форме, устаноўленай Міністэрствам аховы здароўя. Дадзеную даведку можна атрымаць у паліклініцы па месцы жыхарства (рэгістрацыі). У графе "Заключэнне" робіцца запіс аб допуску па стане здароўя да навучання па спецыяльнасці (прафесіі) і звесткі аб размеркаванні ў асноўную, падрыхтоўчую, спецыяльную медыцынскую групы, групу лячэбнай фізічнай культуры.
Пытанне: Практыка ёсць на ўсіх спецыяльнасцях? Калі будзе праходзіць?
Адказ: Практыка з'яўляецца абавязковым кампанентам сярэдняй спецыяльнай адукацыі. Па кожнай спецыяльнасці навучальнымі планамі прадугледжана навучальная і вытворчыя практыкі. Тэрміны і працягласць практыкі рэгламентуецца вучэбнай праграмай практыкі і вучэбным планам спецыяльнасці.
Пытанне: Ці абавязкова прысутнасць бацькоў пры падачы дакументаў у каледж?
Адказ: Пры падачы дакументаў абітурыентам, якія не дасягнулі 18 гадоў, неабходна прысутнасць аднаго з законных прадстаўнікоў.
Пытанне: Як ажыццяўляецца інфармаванне абітурыентаў аб ходзе прыёму дакументаў?
Адказ: Інфармаванне абітурыентаў аб ходзе прыёму дакументаў ажыццяўляецца на сайце ў раздзеле «Абітурыентам» укладка «Аб ходзе прыёму дакументаў», а таксама на папяровым і электронным носьбітах носьбітах у холе навучальнага корпуса каледжа Інфармацыя абнаўляецца кожны працоўны дзень не радзей як адзін раз у 3 гадзіны работы прыёмнай камісіі (12.00, 15.00, 18.00) за выключэннем апошняга дня прыёму дакументаў. У апошні дзень прыёму дакументаў інфармаванне абітурыентаў аб ходзе прыёму дакументаў спыняецца ў 15.00. У апошні дзень прыёму дакументаў допуск абітурыентаў у будынак каледжа, у якім размяшчаецца прыёмная камісія, завяршаецца ў 18.00. Прыёмная камісія ў апошні дзень прыёму дакументаў у 18.00 спыняе выдачу дакументаў абітурыентам з мэтай іх падачы на іншую спецыяльнасць. Пры гэтым забяспечваецца прыём дакументаў ад усіх абітурыентаў, якія знаходзяцца ў будынку каледжа, у якім размяшчаецца прыёмная камісія, пасля спынення допуску.
Пытанне: Ці буду я атрымліваць стыпендыю? І колькі?
Адказ: Усім абітурыентам, залічаным у каледж, на бюджэтнай аснове ў 1 семестры прызначаецца навучальная стыпендыя. У другім семестры і далей памер навучальнай стыпендыі залежыць ад сярэдняга бала паспяховасці па выніках экзаменацыйнай сесіі.
Пытанне: Ці даецца інтэрнат завочнікам на час сесіі?
Адказ: Прадастаўляецца.
Пытанне: У мяне дрэнны зрок. Ці магу я паступіць да вас у каледж?
Адказ:Магчымасць атрымання адукацыі па якой-небудзь спецыяльнасці ўстанаўлівае не прыёмная камісія, а ўстанова аховы здароўя па месцы жыхарства (месцы знаходжання). Прыёмная камісія пры прыняцці рашэння аб допуску абітурыента да ўдзелу ў конкурсе па выбранай спецыяльнасці кіруецца ўнесенай у графу "Заключэнне" медыцынскай даведкі аб стане здароўя запісам аб допуску па стане здароўя да навучання па спецыяльнасці.