У прыёмную камісію абітурыенты падаюць наступныя дакументы:
- заява на імя дырэктара;
- арыгінал дакумента аб адукацыі;
- 6 фатаграфій 3х4 см;
- медыцынская даведка аб стане здароўя;
- дакументы, якія пацвярджаюць права абітурыента на льготы пры прыёме на навучанне;
- дакумент, які сведчыць асобу;
- два канверты з маркамі.
Дадаткова падаюцца (пры неабходнасці):
- заключэнне ўрачэбна-кансультацыйнай камісіі (для інвалідаў I, II, III групы);
- заключэнне дзяржаўнага цэнтра карэкцыйна-развіваючага навучання і рэабілітацыі або даведка аб засваенні зместу адукацыйнай праграмы спецыяльнай адукацыі на ўзроўні агульнай сярэдняй адукацыі (для асоб з асаблівасцямі псіхафізічнага развіцця);
- дагавор аб мэтавай падрыхтоўцы спецыяліста (працоўнага, служачага), аформлены ў трох экзэмплярах і падпісаны абітурыентам і заказчыкам - арганізацыяй, якая мае патрэбу ў падрыхтоўцы рабочага, служачага, - для абітурыентаў, якія ўдзельнічаюць у конкурсе на мэтавыя месцы.
Абітурыенты з ліку замежных грамадзян і асоб без грамадзянства (іх прадстаўнікі) падаюць у прыёмную камісію УССА наступныя дакументы:
- заява на імя кіраўніка УССА па форме, устаноўленай Міністэрствам адукацыі;
- арыгінал пасведчання (дакумента) аб адукацыі з указаннем вывучаных прадметаў і атрыманых па іх адзнак (балаў) – пры ўмове прызнання ва ўстаноўленым парадку гэтых дакументаў у Рэспубліцы Беларусь;
- медыцынскае заключэнне аб стане здароўя, выдадзенае афіцыйным органам аховы здароўя краіны, з якой прыбыў абітурыент, або дакумент аб праходжанні ў тэрытарыяльных арганізацыях аховы здароўя, вызначаных УССА па ўзгадненні з камітэтам (упраўленнямі) па ахове здароўя Мінскага гарвыканкама (аблвыканкамаў), які пацвярджае адсутнасць медыцынскіх супрацьпаказанняў да навучання ў Рэспубліцы Беларусь;
- сертыфікат аб адсутнасці ВІЧ-інфекцыі, выдадзены афіцыйным органам аховы здароўя краіны, з якой прыбыў абітурыент;
- арыгінал (копію) пасведчання аб нараджэнні і (або) іншы дакумент, які пацвярджае дату нараджэння і грамадзянства (для непаўналетніх);
- шэсць фатаграфій памерам 3 x 4 см;
- пасведчанне аб заканчэнні факультэта давузаўскай падрыхтоўкі, падрыхтоўчага аддзялення, падрыхтоўчых курсаў УССА (пры іх заканчэнні).
Да пералічаных дакументаў, выкананых на замежнай мове, прыкладаецца засведчаны натарыяльна іх пераклад на беларускую ці рускую мову.
Замежныя грамадзяне і асобы без грамадзянства, якія паступаюць у адпаведнасці з міжнароднымі дагаворамі Рэспублікі Беларусь, што паступаюць за кошт грантаў на навучанне, могуць прадстаўляць у прыёмную камісію арыгіналы дакументаў па прыбыцці ў Рэспубліку Беларусь да пачатку навучальнага года.
Дакументы ў прыёмную камісію УССА падаюцца абітурыентамі або іх прадстаўнікамі.
У выпадку падачы дакументаў абітурыентам дакумент, які сведчыць асобу, прад'яўляецца ім асабіста. У выпадку падачы дакументаў ад імя абітурыента яго законным прадстаўніком прад'яўляюцца дакументы, якія пацвярджаюць асобу і статус законнага прадстаўніка, і копія дакумента, які пацвярджае асобу абітурыента. У выпадку падачы дакументаў ад імя абітурыента яго прадстаўніком, які дзейнічае на падставе даверанасці, прад'яўляюцца дакумент, які сведчыць асобу прадстаўніка, копія дакумента, які сведчыць асобу абітурыента, і даверанасць, засведчаная натарыяльна або ўпаўнаважанай службовай асобай.