Добраўпарадкаванне пахаванняў ахвяр Вялікай Айчыннай вайны - святы абавязак выратаваных пакаленняў! Навучэнцы навучальнай групы 1121 г. правялі працоўную акцыю "Абеліск" і прыбралі тэрыторыю помніка загінуўшым у в. Чаромха. Дзякуй дзяўчатам за ўдзел і клопат!

Навучэнцы навучальнай групы, валанцёры атрада "Экскурсавод" Вайцэховіч В., Заброда М., Кірсякова А., Куплявацкая П., Санкоўская Д., Сарокіна Ю. правялі экскурсію для навучэнцаў Навапольскай школы "Баявая слава партызанскай брыгады імя Шчорса" ў Музеі працоўнай славы каледжа. Навучэнцы і педагог школы былі прыемна здзіўлены прафесіяналізмам нашых цудоўных дзяўчат!

25 красавіка ў Мемарыяльным комплексе "Курган славы" прайшло абласное мерапрыемства - мітынг, прысвечаны вясноваму воінскаму прызыву на сапраўдную тэрміновую службу. У мерапрыемстве прынялі ўдзел навучэнцы каледжа. Пасля слоў прывітання губернатара Мінскай вобласці, паказальныя выступленні правялі воіны-дэсантнікі 5-ай гвардзейскай брыгады сіл спецыяльнага прызначэння. На тэрыторыі комплексу прысутнічалі блізкія сваякі будучых воінаў, навучэнцы школ Мінскай вобласці, актывісты ГА "БРСМ", члены ДТСААФ, члены ваенна-патрыятычных клубаў і кадэцкіх класаў.

Выбар прафесіі-гэта заўсёды складанае, усебакова прадуманае рашэнне. Вельмі важна, каб гэтая падзея стала лёсавызначальнай у будучыні. Вызначыцца моладзі з выбарам дапамагае Дзень адчыненых дзвярэй, які прайшоў у каледжы. Навучэнцы школ разам са сваімі бацькамі наведалі заняткі, пабывалі на экскурсіі па каледжы і тэрыторыі, паўдзельнічалі ў адкрытым дыялогу з адміністрацыяй, выкладчыкамі, а таксама акунуліся ў гісторыю на займальным квэсты.

21 і 22 красавіка ў каледжы прайшло размеркаванне выпускнікоў спецыяльнасцяў "Дакументазнаўства і дакументацыйнае забеспячэнне кіравання", "Бухгалтарскі ўлік, аналіз і кантроль". 66 навучэнцам бюджэтнай формы навучання было прадастаўлена першае працоўнае месца. У рабоце камісіі па размеркаванні выпускнікоў прынялі ўдзел: галоўны бухгалтар ААТ «Багушэвічы Шалай В.І., намеснік галоўнага бухгалтара Шагойка Г.М., намеснік камандзіра вайсковай часці 01266 Бялоў А.

Каманда каледжа "Дэлегацыя сакратароў" прыняла ўдзел у інтэлектуальным турніры "Мазгавы штурм", г.Маладзечна (кіраўнік Степущенок Т.М., куратар вучэбнай групы 3121).

У рамках тыдня мерапрыемстваў цыклавой камісіі агульнаадукацыйных дысцыплін выкладчыкам фізічнай культуры і здароўя В.У. Чыкавым праведзены спаборніцтвы па настольным тэнісе "Быць здаровым - выдатна!" (сярод навучэнцаў і выкладчыкаў, прысвечаныя 70-годдзю каледжа).

Падрыхтоўка высокакваліфікаваных кадраў у адпаведнасці з патрэбамі рынку працы сёння не магчыма без цеснага ўзаемадзеяння ўстановы адукацыі з арганізацыямі-заказчыкаў кадраў. Сумесныя сустрэчы з заказчыкамі кадраў дапамагаюць навучэнцам зразумець, куды яны прыйшлі, у якім кірунку будуць рухацца ў сваёй прафесійнай дзейнасці, што будуць вывучаць.

13 красавіка адбылася дыялогавая пляцоўка на базе ТАА "Марк Фармэль". Ад арганізацыі ў дыялогавай пляцоўцы прынялі ўдзел: начальнік аддзела падбору, навучання і развіцця персаналу Валянціна Яўгенаўна Брагінец, начальнік аддзела па рабоце з персаналам Таццяна Мікалаеўна Тарлецкая, намеснік галоўнага бухгалтара Алена Аляксандраўна Піражкіна, Каледж прадстаўлялі: намеснік дырэктара па вучэбнай рабоце Тамара Мікалаеўна Крумкач, кіраўнік практыкі Наталля Мячаславаўна Неведамская, загадчык аддзялення Таццяна Яўгенаўна Валатоўская, навучэнцы.

Таццяна Мікалаеўна Тарлецкая пазнаёміла з гісторыяй брэнда Mark Фormelle, правяла экскурсію для навучэнцаў каледжа па цэхах вытворчасці; намеснік галоўнага бухгалтара Алена Аляксандраўна Піражкіна расказала пра асаблівасці вядзення бухгалтарскага ўліку на прадпрыемстве, пазнаёміла з працоўнымі месцамі бухгалтараў. Цеснае супрацоўніцтва з навучэнцамі дапамагае ім зразумець, куды яны прыйшлі, у якім напрамку будуць рухацца ў сваёй прафесійнай дзейнасці, што будуць вывучаць. Безумоўна, гэта таксама падвышае імідж прафесійнай адукацыі, стварае матывацыю для навучэнцаў.

У ходзе работы пляцоўкі былі закрануты пытанні патрэбнасці арганізацыі ў кадрах, магчымасці прадпрыемства па прадастаўленню рабочых месц для арганізацыі практычнага навучання, сацыяльны пакет, які прадастаўляецца арганізацыяй маладому спецыялісту, магчымасці прадпрыемства па арганізацыі стажыроўкі педагагічных работнікаў, патрабаванні да якасці падрыхтоўкі і ўзроўню кваліфікацыі работнікаў.

11 красавіка ва ўстанове адукацыі "Навапольскі аграрна-эканамічны каледж" была праведзена дыялогавая пляцоўка з выпускнікамі спецыяльнасці "Бухгалтарскі ўлік, аналіз і кантроль" з адказным сакратаром прыёмнай камісіі Кавалёвай Аленай Леанідаўнай і загадчыцай кафедры Лукашэвіч Ірыны Генадзеўны Інстытута парламентарызма. Яны азнаёмілі з правіламі паступлення ў Інстытут, парадкам правядзення ўступнай кампаніі і спецыфікай навучання па скарочанай форме навучання.

11 красавіка навучэнцы здавалі кваліфікацыйны экзамен у працэсе якога прадэманстравалі тэарэтычныя веды, практычныя ўменні. Усе навучэнцы справіліся з кваліфікацыйнай пробнай работай і паспяхова прайшлі тэарэтычны этап. Рашэннем кваліфікацыйнай камісіі навучэнцам прысвоены 5 разрад па прафесіі рабочага "Аператар электронна-вылічальных машын" (персанальных электронна-вылічальных машын). Віншуем вучняў з паспяховай здачай экзамену!