11 лістапада 2024 г. адбылася дыялогавая пляцоўка з удзелам выпускнікоў каледжа Вашкевіч Анастасіі і Кудзінай Ульяны, навучэнцаў 2 і 3 курса спецыяльнасці "Арганізацыя гасцінічных паслуг", адміністрацыі і выкладчыкаў каледжа. Тэма "Поспехі і праблемы ў прафесійнай дзейнасці".

Праца дыялогавай пляцоўкі пачалася з трансляцыі відэа аб арганізацыях, у якіх працуюць выпускнікі: індустрыяльны парк "Вялікі камень" і санаторый "Прыморскі".

Выпускнікі каледжа падзяліліся сваімі ўражаннямі аб першых кроках у прафесійнай дзейнасці; звярнулі ўвагу на ўстанаўленне ўзаемаадносін у калектывах, ролю настаўнікаў на вытворчасці, выкананне службовых абавязкаў, форму адзення, бытавых і жыллёвых умовах. Разнапланавых пытанняў, якія цікавяць навучэнцаў, было дастаткова шмат.

Дыялогавая пляцоўка прайшла з карысцю для ўсіх удзельнікаў.