Дзень беларускага пісьменства — свята нацыянальнай годнасці і слова!

Першую нядзелю верасня мы ўшаноўваем сілу беларускага слова — ад берасцяных грамат да сучасных кніг, ад «Псалтыры» Францыска Скарыны да жывых радкоў нашых паэтаў і публіцыстаў. Упершыню свята правялі ў 1994 годзе ў старажытным Полацку — радзіме Францыска Скарыны, першадрукара, які ў 1517 годзе выдаў першую кнігу на старабеларускай мове. З таго часу Дзень пісьменства штогод праходзіць у гарадах з багатай культурнай спадчынай.

У 2025 годзе сталіцай свята стала Ліда — горад з глыбокімі гістарычнымі каранямі.

6 і 7 верасня тут праходзяць літаратурныя вечарыны, прэзентацыі кніг, конкурсы і адкрыццё помніка майстру слова.

Менавіта праз слова мы захоўваем сваю ідэнтычнасць, сваю праўду і сваю Беларусь.

Хай беларуская кніга і надалей будзе голасам народа, люстэркам гісторыі і паходняй будучыні.