2 лістапада ў праекце прынялі ўдзел навучэнцы 9-11 класаў ДУА "Навасельская сярэдняя школа" і ДУА "Заслаўская сярэдняя школа № 2 імя М.К.Пуцейкі".
Цікава прайшлі сустрэчы падчас правядзення навучальных заняткаў па матэматыцы; абмеркавалі асаблівасці арганізацыі навучальнага працэсу ў каледжы з навучэнцамі групы праграмістаў; выказалі думкі і ідэі аб перспектывах працы на рынку працы па кваліфікацыях: бухгалтар, сакратар-рэферэнт, тэхнік-праграміст, спецыяліст па гасцінічным сэрвісе.
Гасцей цікавілі пытанні стыпендыяльнага забеспячэння, устанаўленне надбавак да стыпендыі, умовы пражывання ў інтэрнатах, арганізацыя працэсу навучання, выстаўлення адзнак і іншыя.
Адбылася таварыская сустрэча каманд каледжа і навучэнцаў школ па баскетболе. У барацьбе за перамогу перамагла сяброўства.
Спадзяемся, што ўдзельнікі прафарыентацыйнага мерапрыемства падзеляцца сваімі эмоцыямі з роднымі і блізкімі, аднакласнікамі і зробяць першыя крокі на шляху да прафесійнага выбару.