18.12.2024 прыняты ўдзел у раённай прафарыентацыйнай сустрэчы "Шляхі атрымання прафесійнай адукацыі ў Рэспубліцы Беларусь", арганізаванай упраўленнем па адукацыі, спорце і турызме Нясвіжскага раённага выканаўчага камітэта. Перад навучэнцамі школ выступіла адказны сакратар прыёмнай камісіі Т М.Сцепушчанак. Гутаркі з патэнцыйнымі абітурыентамі праводзілі навучэнцы каледжа Э.Ю.Ажэшка, Я.А.Рэвяка, А А.Дуброва.

12 снежня 2024 года прайшоў абласны этап VІ Рэспубліканскага конкурсу прафесійнага майстэрства навучэнцаў устаноў сярэдняй спецыяльнай адукацыі па кампетэнцыях "Праграмнае рашэнне для бізнесу" і "Вэб-дызайн і распрацоўка".

У конкурсе прынялі ўдзел навучэнцы ўстаноў адукацыі «Навапольскі дзяржаўны аграрна-эканамічны каледж» і «Маладзечанскі гандлёва-эканамічны каледж» Белкаапсаюза.

Удзельнікі абласнога этапа VІ Рэспубліканскага конкурсу прафесійнага майстэрства прадэманстравалі высокі ўзровень падрыхтоўкі, годна прадставілі свае ўстановы адукацыі.

Віншуем пераможцаў - навучэнцаў каледжа:

кампетэнцыя «Вэб-дызайн і распрацоўка»

I месца - Лойка Вадзім

II месца - Аўдзееў Павел

III месца - Лагун Віктар

кампетэнцыя «Праграмныя рашэнні для бізнэсу»

I месца - Сліж Дзмітрый

II месца - Бельскі Артур

Жадаем пераможцам і ўдзельнікам моцнага здароўя, удасканалення прафесійных кампетэнцый, кар'ернага росту, поспехаў, перамог і вялікіх здзяйсненняў!

Навучэнцы каледжа прынялі ўдзел ва ўрачыстым мітынгу каля мемарыяла «Партызанам і партызанкам зямлі Нарачанскай», ва ўрачыстым закрыцці абласнога працоўнага семестра ў г. Мядзел

У каледжы прайшоў Адзіны ўрок "Саюзная дзяржава - 25 гадоў разам", прысвечаны 25-гадоваму юбілею падпісання дагавора паміж Рэспублікай Беларусь і Расійскай Федэрацыяй ( выкладчык Сакалоўскі Ю.І.). Былі разгледжаны гістарычныя, культурныя і эканамічныя перадумовы да падпісання дагавора, а таксама разгледжаны дасягненні і вынікі яго рэалізацыі, падкрэслена важнасць і значэнне дагавора для далейшай інтэграцыі абедзвюх краін.

05.12.2024 адбылася навукова-практычная канферэнцыя з міжнародным удзелам "Моладзь XXI стагоддзя", арганізаваная ДУА "Мінскі політэхнічны каледж".

У канферэнцыі з дакладамі

у секцыі 1. Роля маркетынгу ў інавацыйным развіцці эканомікі: новыя аспекты вырашэння эканамічных пытанняў выступілі навучэнцы каледжа:

Красноў А.А. , 3 курс, вучэбная група 1223, «Маркетынг ўзаемаадносін як інструмент павышэння эфектыўнасці бухгалтарскай дзейнасці»;

Максімава Ю.Г., 3 курс, гр. 2122, «Маркетынг узаемаадносін як інструмент павышэння эфектыўнасці гаспадарчай дзейнасці і вырашэння актуальных эканамічных пытанняў»;

у секцыі 4. Роля мовы ў прафесійнай дзейнасці будучыні

спецыяліста

Левізанава А. С., 1 курс, навучальная група 2124, «Англійская мова ў сучасным свеце: роля і актуальнасць».

Навуковы кіраўнік навучэнцаў, выкладчык англійскай мовы Я.А. Лапачонак.

30 лістапада выкладчыкі Каваленкі Н.У. і Лукша І.А. пры падтрымцы агітбрыгады правялі прафарыентацыйную працу сярод навучэнцаў Вілейскага раёна.

28 лістапада для навучэнцаў 1-2 курсаў у рамках інфармацыйна-адукацыйнага праекта "ШАГ. Школа Актыўнага Грамадзяніна" праведзена інфармацыйная гадзіна "Маладосць - час выбару. Што можа БРСМ?" навучэнцамі вучэбнай групы 2123 (куратар Барсегян Д.Р.).

28 лістапада 2024 года ў рамках электаральнай кампаніі і інфармацыйна-адукацыйнага праекта ШАГ у каледжы прайшла сустрэча прадстаўніка рэспубліканскага маладзёжнага парламента Пунінскага А.С. і старшыні раённай партыі "Белая Русь" Ішкавай Т.І.з навучэнцамі і працоўным калектывам каледжа.

27 лістапада 2024 года прайшлі прафарыентацыйныя мерапрыемствы "Сто дарог - адна твая" ў сярэдніх школах №№38, 41, 56 г. Мінска. Перад навучэнцамі 9 класаў выступілі адказны сакратар прыёмнай камісіі Установы адукацыі "Навапольскі ГАЭК" Т.М. Сцепушчанак, навучэнцы агітбрыгады каледжа Пенязь Лізавета, Цыбуліч Анастасія. Навучэнцы даведаліся аб умовах паступлення ў каледж, навучання, пражывання ў інтэрнаце, сярэднімі прахаднымі баламі за мінулыя гады на спецыяльнасці "Дакументацыйнае забеспячэнне кіравання", "Арганізацыя гасцінічных паслуг", "Бухгалтарскі ўлік, аналіз і кантроль", "Распрацоўка і суправаджэнне праграмнага забеспячэння інфармацыйных сістэм", "Сацыяльная праца ". Навучэнцы школ запрошаны на чарговы дзень адчыненых дзвярэй.

23 лістапада 2024 года ў гісторыка-культурным комплексе «Лінія Сталіна», пры падтрымцы Міністэрства абароны Рэспублікі Беларусь адбылося штогадовае мерапрыемства Дзень ракетных войскаў і артылерыі, прысвечанае прафесійнаму святу ўсіх ветэранаў і вайскоўцаў ракетных войскаў і артылерыі.

Валанцёры атрада "Сучаснік" аказалі дапамогу ў правядзенні мерапрыемства. Рабяты ўдзельнічалі ў арганізацыі і правядзенні спаборніцкай пляцоўкі ГТО (стральба з пнеўматыкі, зборка- разборка зброі, сцежка выведніка, гістарычная віктарына, кіданне гранаты, школа артылерыстаў) (інфармацыя Казловай М.Г., куратара ВО)