14.12.2023 у каледжы адбылося літаратурна-музычнае мерапрыемства "НАША РОДНАЯ БЕЛАРУСЬ" з удзелам студэнта 3 курса эстэтычнага факультэта БДПУ імя М.Танка Ван Дэлуна з Кітайскай народнай рэспублікі, якое прысвечана захаванню беларускай гісторыі, культуры, беларускай мовы.

Важна адзначыць, што мерапрыемства прайшло ў рамках рэспубліканскіх мерапрыемстваў, прысвечаных 105-годдзю ўтварэння БССР і стала яркай падзеяй у жыцці каледжа. (Падрыхтаваў і правёў мерапрыемства выкладчык беларускай мовы і літаратуры Кветкоўскі А.А.)

32 навучэнцы каледжа атрымалі білет члена ГА "БРСМ" з рук дырэктара РЦПІ Мінскай вобласці Трухана Руслана Іванавіча., які ў мінулым быў лідэрам ГА "БРСМ". Руслан Іванавіч павіншаваў навучэнцаў са знамянальнай падзеяй у жыцці і пажадаў быць актыўнымі, паспяховымі, дастойнымі грамадзянамі Рэспублікі Беларусь.

12.12.2023 у каледжы адбылася дыялогавая пляцоўка "Прававая пісьменнасць навучэнскай моладзі" дырэктара РЦПІ Мінскай вобласці Трухана Руслана Іванавіча з навучэнцамі каледжа. Абмяркоўваліся актуальныя пытанні:

стварэнне і развіццё дзяржаўнай сістэмы прававой інфармацыі;

забеспячэнне прававой інфармацыяй органаў кіравання і самакіравання, юрыдычных і фізічных асоб;

вядзенне кампутарных сістэм і банкаў дадзеных прававой інфармацыі ў Мінскай вобласці;

сайт і раздзелы РЦПІ Мінскай вобласці;

антыкарупцыйнае заканадаўства.

14.12.2023 адбылася V Міжнародная навукова-практычная канферэнцыя "Бесперапынная прафесійная адукацыя асоб з асаблівымі патрэбамі", арганізаваная УА "БДУІР". У канферэнцыі прынялі ўдзел: Крумкач Т.М. - нам. дырэктара па УР; Бягун Л.М. - нам. дырэктара па ВР; Баязлівец Е.А., Степущенок Т.М. - метадысты; Валатоўская Т.Я., Лапачонак А.А., Мастоўская А.С., Шчука А.А., Віннік Р.А., Кірэй І.Г. - выкладчыкі. На канферэнцыі абмяркоўваліся пытанні фарміравання digital skills і soft-skills асоб з асаблівымі патрэбамі ў рамках рэалізацыі канцэпцыі ўстойлівага развіцця і лічбавай эканомікі, пашырэння маштабаў IT-пісьменнасці моладзі, уключаючы асаблівыя патрэбнасці інвалідаў у жыцці грамадства, арганізацыі ўзаемадзеяння дзяржаўных і іншых арганізацый у забеспячэнне фізічнай, інфармацыйнай і арганізацыйнай даступнасці дзяржаўных паслуг насельніцтву з улікам асаблівых запатрабаванняў інвалідаў, уцягванне іх у палітычныя працэсы. Выпрацаваны прапановы і рэкамендацыі для дзяржаўных органаў і іншых арганізацый па пашырэнні даступнасці адукацыі для асоб з асаблівымі патрэбамі.

13.12.2023 праведзены адкрыты навучальны занятак па вучэбным прадмеце "Інфарматыка", тэма "Візуальнае вэб-канструяванне", спецыяльнасць 5-04-0322-02 "Дакументазнаўства і дакументацыйнае забеспячэнне кіравання", вучэбная група 3123, выкладчык Р.А. Віннік. Навучэнцы фармавалі ўменні візуальна распрацоўваць сайты на вэб-канструктару. Навучальны занятак спрыяў развіццю алгарытмічнага мыслення, стымуляваў развіццё пазнавальнай і разумовай дзейнасці вучняў праз элементы тэхналогіі развіцця прадуктыўнага мыслення, выкарыстанне метадаў праблемнага выкладу пры рашэнні практычных задач.

4 снежня адбылася навукова-практычная канферэнцыя навучэнцаў па выніках праходжання тэхналагічнай практыкі па спецыяльнасці «Праграмнае забеспячэнне інфармацыйных тэхналогій».

У гэтым годзе навучэнцы 4 курса зрабілі гэты важны крок - крок у прафесію. Практыка доўжылася 8 тыдняў, яна дала магчымасць навучэнцам-практыкантам праявіць свае тэарэтычныя веды, прафесійныя ўменні, творчасць.

Падчас канферэнцыі навучэнцы дзяліліся сваім досведам працы. Выступленні былі дапоўнены мультымедыйнай прэзентацыяй, фатаграфіямі, зробленымі падчас праходжання практыкі.

У каледжы адбылася дыялогавая пляцоўка "Служба ва Узброеных сілах Рэспублікі Беларусь - ганаровая прафесія грамадзяніна" службовай асобы ваеннага камісарыята Мінскага раёна Мінскай вобласці Сокала Васіля Анатольевіча з навучэнцамі каледжа.

05.12.2023 навучэнцы завочнага аддзялення наведалі музейныя экспазіцыі каледжа, дзе пазнаёміліся з гісторыяй вёскі Новае Поле, гістарычнай спадчынай сядзібна-паркавага ансамбля князёў Друцкіх-Любецкіх, гераічным мінулым савецкага народа і партызанскім народам гады Вялікай Айчыннай вайны, шматгадовай гісторыяй развіцця і дзейнасці ўстановы адукацыі.

У лістападзе 2023 года навучэнцы 1 і 2 курса бяруць удзел у другім этапе рэспубліканскай алімпіяды па агульнаадукацыйных прадметах. Па вучэбным прадмеце «Замежная мова» (англійская) навучэнка каледжа вучэбнай групы 4123 спецыяльнасці «Арганізацыя гасцінічных паслуг» Дзівін Ксенія заняла 3 месца і ўзнагароджана дыпломам ІІІ ступені. Віншуем Ксенію Дзівін і выкладчыку англійскай мовы Наталлю Міхайлаўну Садоху!

У кастрычніку 2023 года пад кіраўніцтвам выкладчыка матэматыкі Ваньковіч Тамары Віктараўны навучэнцы 1 курса спецыяльнасці «Распрацоўка і суправаджэнне праграмнага забеспячэння інфармацыйных сістэм» прынялі ўдзел у міжнароднай алімпіядзе «Інфаурок» восеньскі сезон 2023 па матэматыцы (1 курс, паглыблены ўзровень). У міжнароднай алімпіядзе прынялі ўдзел больш за 30 000 адукацыйных устаноў, больш за 5000000 навучэнцаў па ўсім свеце за апошнія 4 гады. Навучэнцы каледжа сталі пераможцамі: Буйвал Кацярына ўзнагароджана дыпломам II ступені, Абрамчык Дар'я ўзнагароджана дыпломам III ступені. Віншуем Кацярыну, Дар'ю і выкладчыку матэматыкі Тамару Віктараўну Ваньковіч.