НГАЭК

НГАЭК

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliq Ut enim ad minim veniam, quis nostrud exercitation ullamco nisi.

Чараўніцтва і добры настрой на ўсе святы падарылі ўдзельнікі мастацкай самадзейнасці каледжа ўсім гледачам, якія сабраліся ў зале 29.12.2023. Усім стваральнікам і артыстам тэатралізаванага паказу вялікі дзякуй!!!

 

 

Больш за 100 флікераў самастойна вырабілі і падарылі вучням малодшых класаў сярэдняй школы в. Новае Поле іх старэйшыя таварышы з валанцёрскага атрада БРСМ "Добрая справа" каледжа, якія прыйшлі павіншаваць школьнікаў з маючым адбыцца навагоднімі святамі і ў гульнявой форме праверылі іх веды Правілаў. Бяспека дзяцей на дарозе клопат не толькі дзяржавы але і грамадства ў цэлым!

 

 

21.12.2023 у рамках вучэбнай практыкі па сакратарскай справе, тэма "Імідж сакратара. Сфера дзелавых зносін сакратара", спецыяльнасць "Дакументазнаўства і дакументацыйнае забеспячэнне кіравання", нав. група 3122, праведзены агляд-конкурс па выкананні патрабаванняў да выбару адзення, абутку, аксесуараў, упрыгожванняў, выкарыстання дэкаратыўнай касметыкі сакратаром. Сябрамі журы: сакратаром прыёмнай дырэктара В.М. Занько, інспектарам аддзела кадраў А.А. Жлоба,выкладчыкамі Л.У. Чуйко, Т.М. Сцепушчанак, вызначаны пераможцы: Якаўлева Яўгенія, Чарняўская Дзіяна, Папава Анжаліка.

 

 

Кіраўнік дзяржавы Аляксандр Рыгоравіч Лукашэнка падпісаў Указ № 375 "Аб абвяшчэнні 2024 года Годам якасці".

Гэтае рашэнне прынята ў мэтах далейшага павышэння якасці жыцця беларускага народа, забеспячэння канкурэнтаздольнасці нацыянальнай эканомікі на сусветнай арэне, стымулявання ініцыятывы, фарміравання ў грамадстве адказнасці за вынікі сваёй працы і пачуцця датычнасці да будучыні краіны.

У рамках Года якасці будзе зроблены акцэнт на павышэнні канкурэнтаздольнасці Беларусі праз беражлівыя і прадуманыя адносіны да рэсурсаў, рэалізацыю высокатэхналагічных і энергаёмістых праектаў, прыярытэт якасных паказчыкаў над колькаснымі. Намаганні будуць сканцэнтраваны на забеспячэнні якасных паказчыкаў шляхам стымулявання ініцыятывы, укаранення рацыяналізатарскіх ідэй, умацавання ў грамадстве сацыяльнага аптымізму, імкнення ствараць на агульнае дабро. Прыярытэтную ўвагу плануецца ўдзяліць фарміраванню ў грамадзян асабістай адказнасці за дасягненне высокай якасці жыцця (дастатковы ўзровень даходу, своечасовая дыспансерызацыя, здаровае харчаванне, добрая адукацыя, культурны вольны час).

 

 

16.12.2023 адбыўся канцэрт для бацькоў навучэнцаў "Мая сям'я - мая крэпасць". Самадзейныя артысты - навучэнцы каледжа, сваёй творчасцю даставілі шмат станоўчых эмоцый усім, хто сабраўся ў зале каледжа!

 

 

16.12.2023 у каледжы адбыўся бацькоўскі сход "Навучэнец і закон: тэрыторыя адказнасці", на якім былі агучаны актуальныя пытанні навучання, выхавання, грамадзянскай адказнасці навучэнцаў. Перад законнымі прадстаўнікамі навучэнцаў выступілі дырэктар каледжа Трус М.М., намеснік дырэктара па вучэбнай рабоце Крумкач Т.М., намеснік дырэктара па выхаваўчай рабоце Бягун Л.М.

 

 

14.12.2023 у каледжы адбылося літаратурна-музычнае мерапрыемства "НАША РОДНАЯ БЕЛАРУСЬ" з удзелам студэнта 3 курса эстэтычнага факультэта БДПУ імя М.Танка Ван Дэлуна з Кітайскай народнай рэспублікі, якое прысвечана захаванню беларускай гісторыі, культуры, беларускай мовы.

Важна адзначыць, што мерапрыемства прайшло ў рамках рэспубліканскіх мерапрыемстваў, прысвечаных 105-годдзю ўтварэння БССР і стала яркай падзеяй у жыцці каледжа. (Падрыхтаваў і правёў мерапрыемства выкладчык беларускай мовы і літаратуры Кветкоўскі А.А.)

 

 

32 навучэнцы каледжа атрымалі білет члена ГА "БРСМ" з рук дырэктара РЦПІ Мінскай вобласці Трухана Руслана Іванавіча., які ў мінулым быў лідэрам ГА "БРСМ". Руслан Іванавіч павіншаваў навучэнцаў са знамянальнай падзеяй у жыцці і пажадаў быць актыўнымі, паспяховымі, дастойнымі грамадзянамі Рэспублікі Беларусь.

 

 

12.12.2023 у каледжы адбылася дыялогавая пляцоўка "Прававая пісьменнасць навучэнскай моладзі" дырэктара РЦПІ Мінскай вобласці Трухана Руслана Іванавіча з навучэнцамі каледжа. Абмяркоўваліся актуальныя пытанні:

стварэнне і развіццё дзяржаўнай сістэмы прававой інфармацыі;

забеспячэнне прававой інфармацыяй органаў кіравання і самакіравання, юрыдычных і фізічных асоб;

вядзенне кампутарных сістэм і банкаў дадзеных прававой інфармацыі ў Мінскай вобласці;

сайт і раздзелы РЦПІ Мінскай вобласці;

антыкарупцыйнае заканадаўства.

 

 

14.12.2023 адбылася V Міжнародная навукова-практычная канферэнцыя "Бесперапынная прафесійная адукацыя асоб з асаблівымі патрэбамі", арганізаваная УА "БДУІР". У канферэнцыі прынялі ўдзел: Крумкач Т.М. - нам. дырэктара па УР; Бягун Л.М. - нам. дырэктара па ВР; Баязлівец Е.А., Степущенок Т.М. - метадысты; Валатоўская Т.Я., Лапачонак А.А., Мастоўская А.С., Шчука А.А., Віннік Р.А., Кірэй І.Г. - выкладчыкі. На канферэнцыі абмяркоўваліся пытанні фарміравання digital skills і soft-skills асоб з асаблівымі патрэбамі ў рамках рэалізацыі канцэпцыі ўстойлівага развіцця і лічбавай эканомікі, пашырэння маштабаў IT-пісьменнасці моладзі, уключаючы асаблівыя патрэбнасці інвалідаў у жыцці грамадства, арганізацыі ўзаемадзеяння дзяржаўных і іншых арганізацый у забеспячэнне фізічнай, інфармацыйнай і арганізацыйнай даступнасці дзяржаўных паслуг насельніцтву з улікам асаблівых запатрабаванняў інвалідаў, уцягванне іх у палітычныя працэсы. Выпрацаваны прапановы і рэкамендацыі для дзяржаўных органаў і іншых арганізацый па пашырэнні даступнасці адукацыі для асоб з асаблівымі патрэбамі.

 

 

        


 Ku1y-fov-Or-M 


JoomShaper